Угсралтын заавар

 

     “EGGER” БРЭНДИЙН ТҮРГЭН УГСРАХ “JUST clic!, UNI fit” ТҮГЖЭЭТ

СИСТЕМ БҮХИЙ ЛАМИНАТАН ШАЛ УГСРАЛТАД БЭЛТГЭХ, УГСРАХ БОЛОН ЦЭВЭРЛЭГЭЭ АРЧИЛГААНЫ ЗААВАРЧИЛГАА       

Шал угсралтын бэлтгэл ажил:

1. Ламинатан шалыг угсрах талбайд авчирсны дараа
   • 40% -70% агаарын чийгшилтэй,
   • Шалны гадаргуу дээрх дулааны хэм хамгийн багадаа 15 ˚С,
   • Тасалгааны дулааны хэм хамгийн багадаа 18 ˚С бүхий угсрах орчинд
   • Тэгш, хавтгай гадаргуу дээр хананаас багадаа 50см зай аван өрж байрлуулан сав баглаа боодлыг задлалгүй 48 цаг байлгана.
2. Угсрах талбай, гадаргууг бэлдэх
   • Шал угсрах гадаргууг чийгшил хэмжлийн багаж ашиглан дараах шаардлага хангасан эсэхийг шалгана:
     • Бетон цутгамал гадаргуу ≤ 2 CM% - шалны халаалттай бетон цутгамал гадаргуу ≤ 1.8 CM%
   • Барилгын суурь шалны тэгшилгээний хүлцэх алдаа 1 метрт 2мм –ээс илүүгүй байх.
   • Шал угсрах талбайг сайтар соруулж цэвэрлэсэн байх ёстой ба суурь шал нь огт чийггүй байх ёстой.
   • Сууринд чийгээс хамгаалах хальсан дэвсгэр болон дуу чимээнээс нягтаршил өндөртэй тусгаарлах зөөлөвч дэвсэж өгөх шаардлагатай.

Суурилуулалтын техникийн зааварчилгаа:  

3. Шалыг угсрахдаа
   • Хананаас хааш хаашаагаа 8 – 10 мм зай авсан байх шаардлагатай ба шаблон жийргэвч бэлдэж угсралтад ашиглана.
   • Эхний эгнээнээс угсарч эхлэхдээ шалны 2 тал эмтэрч гэмтээгүй эсэхийг сайтар шалгаж хэл (А) болон түгжих хэсэг(В) нарыг сайтар ялгаж мэддэг болох хэрэгтэй. (Зураг 1)
   • Эхний эгнээг шахахдаа хэл талыг хана руу харуулан суурилуулж эхэлнэ. (Зураг 2)
   • Эгнээ бүрийн эхлэл төгсгөлд нь багадаа 20см урттай зүсвэр оруулна.  Үүнээс богино байж болохгүй. Эхлэл төгсгөлийн түгжээг хэвтээ байрлалаас бус 15˚ хагас босоо байрлалаас амалгааг тэгш нийлүүлж түгжинэ (Энэ үед түгжээний ховилд ямар нэг шороо тоос ороогүй байх ёстой ба шалгаж цэвэрлэнэ үү).
   • Эгнээ хоорондын шалны зөрүүлэг нь мөн л багадаа 20см алслалттай зөрж байх ёстой буюу шалны зөрүүлэг нэг эгнээнд байх ёсгүй.
   • Эхний эгнээг бүрэн угсарч дууссаны дараа 2 дахь эгнээг мөн бүрэн угсарснаар 2 эгнээг нэгэн жигд 15˚ налуугаас амлуулан түгжинэ.
   • Төгсгөлийн эгнээний зүсвэр багадаа 50мм байх ба догол түгжээг зорж тэгшлээд цавуудаж холбоно. (Зураг 3 – 10)
   
   • Шал суурилуулж буй өрөөний хэмжээ уртаашаа 10 метрээс илүү, өргөөшөө 6 метрээс илүү болоход ам дарагч заавал хэрэглэх шаардлагатай.
   • Өрөө хоорондоо хаалганы босго бүрт ам дарагч хийх шаардлагатай.
   • Саадыг урьдчилан хэмжиж нүхэлж бэлдээд зориулалтын хамгаалалтаар бүрэх нь зүйтэй.

• Плинтусыг шаланд шахахгүйгээр хананд нь тогтоох ёстой ба ингэснээр тэлэлт өгөх явцад хананаас авсан зайруугаа зайгаа тэлэх нөхцөлийг бүрдүүлнэ.

4. Шал угсарч дууссаны дараах цэвэрлэгээ, арчилгааны зааварчилгаа
   • Шалыг шахаж дууссаны дараа өрөөг маш сайн агааржуулах шаардлагатай.
   • Элдэв тортог засварын дараах бохирдлыг 20˚С -22˚С дулаан усанд норгосон 50-60 хувь чийглэг алчуураар арчиж цэвэрлэнэ.  
   • Дугуйтай сандал болон хурц ирмэг бүхий тавилгын доор нимгэн суурь тавих нь таны гэрийн шалыг хамгаална.
5. Шаардлагатай үед шалыг салгахаар болсон тохиолдолд
   • Эгнээг хагас налуугаар буюу нэг талаас өргөх байдлаар босгоод хавтанг нэг талруу нь сугалах байдлаар салгана.